| იმის გამო,რომ ქუთაისის ''ტორპედო'' მოხსნილია გათამაშებიდან, 3 ივნისს XXIX ტურის მატჩი ''ტორპედო'' – ''ჩხერიმელა'' არ შედგა.
შესაბამისად ჩხერიმელას ჩაეთვალა ტექნიკური მოგება 0-3.
მომდევნო XXX ტურის მატჩს ჩხერიმელა საკუთარ მოედანზე 8 ივნისს ლანჩხუთის ''გურიას 2''–ს წინააღმდეგ გამართავს.
დღევანდელი მდგომარეობით ჩხერიმელა სატურნირო ცხრილის მეოთხე ადგილს იყოფს ჩოხატაურის ბახმაროსთან 43-43 ქულით,თუმცა ურთიერთშეხვედრებით, გატანილი და გაშვებული გოლების ბალანსით ჩხერიმელას უკეთესი შედეგი აქვს.
ლანჩხუთელებთან მოგების შემთხვევაში გუნდი შეინარჩუნებს სატურნირო ცხრილის მეოთხე ადგილს,რაც არც თუ ურიგო შედეგი იქნება დებიუტანტისთვის.
საგულისხმოა,რომ ''ბახმარო'' ჩემპიონატის მეორეადგილოსან ხონის ''იმერეთს'' ღებულობს და იოლი გასეირნება ნამდვილად არ ექნება,მოგესსენებათ ხონელებს ერთი ნაბიჯი აშორებთ პირველ ლიგაში აღზევებამდე,ასე რომ ჩოხატაურში მოსაგებად ჩავლენ.
XXX ტური ბოლო ტურია 2009-10 სეზონში. გთხოვთ მობრძანდეთ და ერთად ვუჩომაგოთ საკუთარ გუნდს.
| 
-->