 ხარება აღინიშნება 25 მარტს ძველი სტილით (7 აპრილს ახალი სტილით). სახარების (ლუკა 1,28-35) მიხედვით, გაბრიელ მთავარანგელოზი მარიამ ღვთისმშობელს გამოეცხადა და უთხრა: ”გიხაროდეს! მომადლებულო მარიამ, უფალი შენთანაა. კურთხეული ხარ დედათა შორის და კურთხეულ არს ნაყოფი მუცლისა შენისა.”,აჰა, დაორსულდები და შობ ძეს და სახელად იესოს დაარქმევ. დიდი იქნება ის და უზენაესის ძედ იწოდება. მისცემს მას უფალი ღმერთი მისი მამის, დავითის, ტახტს და უკუნისამდე იმეფებს იაკობის სახლზედა მის მეფობას არ ექნება დასასრული, სულიწმინდა გადმოვა შენზე და უზენაესის ძალა მოგჩრდილავს. ამიტომ წმინდა შობილიც იწოდება ღვთის ძედ.” როცა იოსებმა გაიგო, რომ მარიამი ბავშვს ელოდებოდა, გადაწყვიტა მისი ფარულად გაშვება, მაგრამ ძილში უფლის ანგელოზი გამოეცხადა და უთხრა: ”იოსებ, ძეო დავითისა, ნუ გაშინებს შენი ცოლის, მარიამის, მიღება, ვინაიდან ის, ვინც მასშია ჩასახული, სულიწმიდისაგან არის. ძეს შობს და დაარქმევ მას სახელად იესოს, ვინაიდან იგი იხსნის თავის ხალხს მათი ცოდვებისაგან”. (ლუკა 1,26-35; მათე 1,20-21)
ვილოცოთ და შევთხოვოთ უფალს წყალობა ჩვენი კუთხისთვის და სრულიად საქართველოსთვის.
ავტორი – გივი კურტანიძე
|
-->