17 მაისს ხარაგაულში ხალხური სიმღერის მე–10 რესპუბლიკური ფესტივალი ''მომავლის ხმები'' გაიმართა.
კონცერტს კინოთეატრის შენობამ უმასპინძლა.
ფესტივალს ესწრებოდნენ საპატიო სტუმრები თბილისიდან, მათ შორის იყო გიორგი უშიკიშვილი, კონცერტი ჩაიწერა ხალხური სიმღერების რადიომ - ''ფოლკრადიო''
ფესტივლის მონაწილეებს გადაეცათ სამახსოვრო სიგელები და საჩუქრები.
დიდი მოწონება დაიმსახურა ხარაგაულის ანსამბლებმა ''იმერი'' და ''საუნჯე'' ასევე ''რუსთავის ვაჟთა ანსამბლმა'' და რუსთავის ანსამბლმა ''პატარა თუთარჩელამ''.
ხარაგაულის მოსწავლე ახალგაზრდობის სახლთან არსებული ანსამბლი ''იმერი'' მიწვეულ იქნა ''ფოლკ–რადიოში'' ჩაწერაზე. ჩანაწერის მოსმენას შეძლებთ რადიოს ვებ–გვერდზე http://folkradio.ge/ აღსანიშნავია,რომ ეს პირველი ფესტივალია,რომელიც თბილისის გარეთ ჩატარდა და მისი მასპინძლობის პატივი ჩვენს პატარა მუნიციპალიტეტს ხვდა პატივად. საიტის სახელით დიდ მადლობას მოვახსენებ ამ დღის ყველა ორგანიზატორს. იმედია მომავალშიც გააგრძელებენ ამგვარ ტრადიციას.
|