„ძალიან პატარა ავმღერდი. სოფელში სცენას მოვაწყობდით და მე ვიყავი ამ კონცერტის მთავარი გმირი. ერთ სიმღერას ორჯერ-სამჯერ გადავაბამდი და მანამ ვმღეროდი, სანამ არ მეტყოდნენ, გაჩერდიო. თუმცა, ფიქრადაც არ გამივლია, რომ ჩემგან საოპერო მომღერალი დადგებოდა. მინდოდა, ესტრადაზე მემღერა, ამავდროულად პიანისტი ვყოფილიყავი, მერე დირიჟორობა გადავწყვიტე. ავთანდილ რევიშვილთან მიმიყვანეს, მან მომისმინა, მერე მამღერა. ბატონმა ავთომ მითხრა, ვოკალში უნდა მოვემზადოთ, შენგან საოპერო მომღერალი დადგებაო. 5 თვე ვიმეცადინეთ, რის შემდეგაც გამოცდებზე უმაღლესი ქულა მივიღე. ეს იყო ჩემთვის უდიდესი ბედნიერება".
მამუკა ახლა რომში ცხოვრობს და მსოფლიოში ცნობილ სცენებზე მღერის. –„საქართველო ხშირად მენატრება, მენატრება ჩემი სახლი, მეგობრები, ქართული სითბო და სიყვარული. ყოველთვის მენატრება დედაჩემი და ჩემი მაესტრო – თენგიზ მუშკუდიანი".
ავტორი – გივი კურტანიძე
ტექსტის წყარო – ptpress.ge