საქართველოს განათლებისა და მეცნიერების სამინისტროს გადაწყვეტილებით, 2009 წლიდან ყოველწლიურად ტარდება ეროვნული სასწავლო ოლიმპიადა ყველა საგანში. ეროვნული სასწავლო ოლიმპიადა 2010 ჩატარდა შემდეგ საგნებში:
9 იანვარი - ქართული ენა. 10 იანვარი – მათემატიკა 11 იანვარი - უცხოური ენები 12 იანვარი – ისტორია 13 იანვარი – გეოგრაფია 14 იანვარი – ბიოლოგია 15 იანვარი – ფიზიკა 16 იანვარი – ქიმია
17 იანვარი – ინფორმატიკა
მონაწილეობას უამრავი მოსწავლე იღებდა. ოლიმპიადა სამი ტურისგან შედგებოდა და ხარაგაულისთვის საკმაოდ წარმატებულადაც დასრულდა, რაიონი ორმა IX კლასელმა ხარაგაულის N_2 საჯარო სკოლის მოსწავლე რეზო დეკანოსიძემ და წმიდა ანდრია პირველწოდებულის სახ. გიმნაზიის მოსწავლე დავით მაჭავარიანმა ასახელა. მათ წარმატებით დაძლიეს ისტორიის ოლიმპიადის სამივე ტური და საბოლოოდ რეიტინგული სიით 4 და 5 ადგილები დაიმკვიდრეს.
ჩვენ ისღა დაგვრჩენია მივულოცოთ მათ წარმატება და ვუსურვოთ კიდევ უფრო მეტი მიაღწიონ მომავალში, ასახელონ კარგი სწავლით ხარაგაული და ხარაგაულელები !
-->