დღეს ნინოობაა. ყველას გილოცავთ ამ ბრწყინვალე დღეს. წმინდა ნინოს ჯვარი ფარავდეს მთელს საქართველოს. იხარეთ და იბედნიერეთ.
ასევე დღეს ბავშვთა დაცვის საერთაშორისო დღეა. ხარაგაულში ამის აღსანიშბავად უამრავი ღონისძიება გაიმართა.
ბავშვები მოიწვიეს ასფალტზე ხატვის კონკურსზე, სადაც თავისუფლად შეეძლოთ დაეხატათ რაც სურდათ.
შემდეგ გაიმართა მოსწავლეების ნამუშევრების გამოფენა–გაყიდვა. ეს ღონისძიება საქველმოქმედო იყო და შემოსული თანხით გაჭირვებულ ბავშვებს ეხმარებოდნენ.
დღევანდელი დღე დააგვირგვინა კონცერტმა, რომელიც ხარაგაულის კინოთეატრში გაიმართა. უაღრესად ნიჭიერი ბავშვები ცეკვავდნენ, მღეროდნენ და ლექსებს ამბობდნენ. დარბაზი სავსე იყო გახარებული და კმაყოფილი მაყურებლით.
ამ ღონისძიებების ორგანიზატორი იყო ხარაგაულის კულტურის სამსახური. დიდი მადლობა მათ ასეთი კარგი დღისათვის.
ავტორი – მარი ხარატიშვილი
|